يمر الليل وأطراف الصباح يمرني سواح

[رحــآل]

تموت الروح تتلاشى وتنبت بالكفوف أرواح
وأسافر في متاهات الحنين لضحكة أخواني

فتحت الباب للضحكة تقابلني أسى ورماح
يا ليت الباب سكرته عشان أعيش وحداني

اشوف الحال وأتمنى عسى بعد العنا أرتاح
وأسأل يا [ أنا ] ويني إذا دورت ملقاني

كذا عايش كما أسمي لبسته بالضمير وشاح
أصب النور في كاس الظلام وأشرب ألواني

يمر الليل وأطراف الصباح يمرني سواح
وأنا ليلي سواد وظلمة الأيام خلاني

أشوف الشمس واستغرب حقيقة نورها وضاح ؟
نطرته من بعد فجر الحزن والنور ما جاني

ثلاثين العمر مرت وأنا بأرض الحزن فلاح
جفاف اللي جنيته واليباس يلون أغصاني

قهر خيط لي ثيابي مخابيها شقا وجراح
أمد الكف في جيب الشتات وتطلع احزاني

يا عمي هالزمن قاسي لعب في مشرط الجراح
تخيل مشرطه ريشه تفنن حيل وادماني

سواد العين يبكيني على خد البياض وساح
ألم يشبه دموع من المناجل تحصد أجفاني

رفيق الأمس وأصحابه خسارتهم تصير أرباح
لأني واقف بوجه الخيانة وأرفض الجاني

حمدت الله لوقوفي بعد ما تمتوها طاح
وأنا ما طحت لكني رضيت الطيب عنواني

تشوفون اني أتظاهر أقَضِي هالليال مزاح
وأنا من داخل أتعذب مابين الجرح والثاني

إذا تسأل عن أحوالي قسم بالله مو مرتاح
تجمع كل شقا الدنيا بوسط البال وأشقاني

صدى الأفراح يتبدل ويتحول إلى افــ / راح
ويأخذني مع غمي لنفس الباب وداني

قفلت الباب وأوصدته رميت بوجهه المفتاح
حزين ولا رضيت الا أعيش بهمي وأنساني

[غرام الشوق]

ℳ 4
..


طرح يفوق الجمال
كعادتك إبداع في صفحآتك
يعطيك العافيه يارب
وبإنتظار المزيد من هذا الفيض
لقلبك السعادة والفرح
ـــ
تحياتي وعطروردي

:wahjj.1:

[احساس غريب]

قصيدة جداً رائعة كل ما جيت اقتبس منها ابيات اقول خلاص ذا بقتبس

يقول اللي بعده وانا بعد من جد الى اخر القصيدة كل ابياتها رائعة و في الصميم

من جد ماشاء الله تبارك الله تسلم يمين الشاعر و لاهان الناقل

يعطيك العافية اخوي ام 4 على الطرح و الاختيار و النقل الرائع

[رحــآل]

تشرفت بمروركم
:100 (113):

[أمير المحبه]

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه
سوف آظل أترقب الجديد بكل شوق
لك كل الود والاحترام

[رحــآل]

تشرفت بمرورك
:100 (113):

[ملكة الحنان]

فييض من الجمال الذي سكبته
تلك االأنامل الذهبية المبدعة
طرح مخملي كل شيء هنا مختلف
يعطك ربي العافية ولا يحرمنا منك
بنتظار جديدك الشيق