ما جرحــت ولا فضحــت ولا تعدّيــت وخطيـت




جيت متعنّــــي وأنا لولاك والله ماعنيت
......... جيت أدوّر في ظـــــلام الحب صدر يضمّني.

جيت.. وأحلامـــي كبيره جيت لاكنّــــي بكيت
......... يوم قلبك شافنــــي ميّت عليــــه وردّنـــي.


بعتني بأرخص ثمن رغــم انّي اقبلت وشريت.
......... بعتنـــــي وللحين مدري ليه أصـــــلاً بعتني.

ما جرحــت ولا فضحــت ولا تعدّيــت وخطيـت.
......... كلّ مافي السالفه أحســـاس يمّـــك شدّنـي.

كنت لو تطلب عيونــــي قلت خذها يا فديت
.......... ولو طلبت الروح اقدّمهـــــا عشانــــك تهتـني.

سمّني مجنونك أو عاشق عيونــك لو بغيت.
........ المهم أبقى معــــك دوووم وبكيفــك سمّـني.

ليـــه طيّب ماتبينـــي وأنت خابرنـــــي وفيت
......... ليش تتجاهل شعوري وأنت عــــارف معدني.

تحرق اعصاب القصيد اللي على وصفك بنيت
......... كلّ همّــك ينكســـر ذاك الشمـــوخ وينحنـي.

ابتليت ايوالله انّــــي فـي محبتــــك ابتليت
......... وأغتربت و كانت احضانك ملامـــح موطنـي.

وأنصدمت ومـــات فيني حلم يـوم انّي دريت
......... انّك آخــر شخص ممكن في الوجـود يحبّـني!!.,.


و سلامتكم

الموضوع الأصلي: ما جرحــت ولا فضحــت ولا تعدّيــت وخطيـت || الكاتب: احساس غريب || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه