غبتي وطالت في غيابك لياليك
غبتي وانا كوني تزايد ظلامه
صبرت لكن منفع صبر مغليك
ولا جاد له صبره يكود بندامه
خليتني تايه وارقب خطاويك
والقلب بعدك زايدن به هيامه
صدك كواني ياعسى بس يرضيك
وبالقلب من الجرح الموده علامه
رغم الجفا والجرح بالحيل يغليك
وغلاك علق بظماير سهامه
اما التفت لي يوم انا ازهم انديك
ولا فمان الله ودرب السلامه
في غيبتك والله ماني بناسيك
قدرك بقلبي معتلي في مقامه
ماهزته فرقا ولاحدن يساويك
تبقي بقلبي لين يوم القيامه
ترعا حشا قلبي وظلوعي مراكيك
حبك بنا بيته وثبت خيامه
وتارد عدوده واشرايين تسقيك
مابه غرام الا غلاك وغرامه
ريح ضميرك مارضيت البدل فيك
مقام حبك ثابتن في مقامه
بحفظ غلاك وذكرياتك وبحميك
في سد وجهي وشاربي والزعامه
حبك لحاله مابه احدن يناحيك
بالقلب لو شوقه مع الوقت ظامه
مدام راسي حي والله لوافيك
قلبي صعب ماينعذل عن غرامه
ولاهمه الناقد ولا زود تشكيك
والله يلوم اللي مع الوقت لامه
وليا بكى قلبى فلا العين تبكيك
اموت قبل العين تدمع ندامه
اعيش شامخ وعزتي ما تعاديك
راسي شموخ طويق مرفوع هامه
لي عزتن لو تاقف الناس تحديك
تاقف تضد ولو تروح بعدامه
ماني منزل هامتي ولالتفت فيك
ان كان حبك شذ درب استقامه
اما العذر معذور ولأني معانيك
دامه رضاك اصد درب السلامه