عجزت احدد إحساسي وألم شتاته المنثور..
وأرسم بالحروف شعور بات سنين مزعجني..

شعور قاسي طبعه وأنا من قسوته مأسور..
مثل طعم القهر وأكثر بغيمه حيل خانقني..

أبي أشكي لك احاسيسي تبي تطلع تشوف النور..
ولكن قسوة إبعادك تعاندها وتقهرني..

أبي أضحك وأبي أفرح أبي أمشي كما المغرور..
أبي أمزح معك وأحكي وقلبك بس يسمعني ..

أبي أبكي مثل طفل يصيح وخاطره مكسور..
ولا من شفتك أشكي لك بعادك كيف عذبني..

وأبي أسكت وأسمع لك وأناظر بالعيون الحور..
أبي أسرح مع همسك إلين الهمس يسحرني ..

أبي أحس بوجودك وأبيك بدنيتي كالنور ..
أخاف أن طالت الظلماء يصير النور يزعجني..

أبي لو بس تفهمني وتعرف ليه أنا مقهور..
وأحس أني من أعنادك أحاسيسي تعاندني..

وأحس بطيتي قسوة ترعب حبي المذعور..
وتهدم كل آمالي بلحظة ثم تهدمني..

أبي أرضيك رغم أني أبات وخاطري مكسور..
وأبي أرضيك لو همي من الأفراح يحرمني..

الموضوع الأصلي: أبي أرضيك لو همي من الأفراح يحرمني.. || الكاتب: سلطان الزين || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه