تعاتبني

تـعـاتبني بـنـظرات خـفية
وأجـاملها ولا ادري وش وراها
أجـاوبـها بـنظرات حـزينة
تـعبر عـن ضنا الروح وشقاها
أسـايرها وأجـاوب كـل نظرة
وأخبي الوجد وأبحث عن رضاها
وعـقب مـا شفتها عرفت iiقلبي
تـنـاساها ولـكن مـا نـساها
غـلاها يـزود مـع زود الليالي
وبـاع الـناس قـلبي واشتراها
وصـرت أغـار أنا منها عليها
خـطا نفسي وآنا أتحمل خطاها
وأغـار مـن أمها حتى وأبوها
وأغـار مـن الذي بأمره ولاها
وأحـسد الـلي تـبره بالرعاية
وأحـسد الـلي بأحاسيسه رعاها
وأحـسد الـبنز لا قامت تسوقه
أخـاف أنـه يـشاركني غلاها
وأحـسد الـريح لا حرك شعرها
وأحـسد عـيون غيري لا تراها
وأغـار مـن القمر لا شع نوره
خذت نور القمر واصبح iiضواها
وأحـسد الـشمس لا بانت عليها
أشـعـتها تـسبب فـي أذاهـا
وأحـسد الأرض لا داست عليها
أثـر خـطواتها تـحيي ثـراها
وأغـار مـن الـنجوم إليا تعلت
وشـافتها وعـيني مـا تـراها
وأغـار مـن الـهدوم اذا لبستها
عـساها مـا تـجرحها عـساها
واغـار مـن الـخواتم في يديها
وسـاعتها وكـل الـلي مـعاها
وأغـار مـن القلادة في نحرها
وأغـار مـن الشعر لامن كساها
وأغـار مـن الـقصيدة لا قرتها
ولـو هـي قصتي واشكي جفاها
وتـشمل غـيرتي حـتى المرايا
يـحـق لـها بـشوفتها تـباها
نـعم وأغـار حـتى من الوسادة
وأحـسد فـراشها ويـا غطاها
آلا يـا مـن يـساعدني عـليها
يـوصلني هـوى النفس ومناها
عـجزت أعالج جروحي بروحي
جـروح الـقلب ما تشفى بلاها


الشاعر // حمد السعيد

نادر الشوق ,ملاذ الروح معجبون بهذا

الموضوع الأصلي: تعاتبني || الكاتب: الوافي || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه