المساعد الشخصي الرقمي

مشاهدة النسخة كاملة : آه ياقلبـي اللـي كـم تحمـلـت وشقـيـت


احساس غريب
18-11-2022, 04:59 PM
آه ياقلبـي اللـي كـم تحمـلـت وشقـيـت
https://s3-eu-west-1.amazonaws.com/static.jbcgroup.com/amd/pictures/6c72dc800d321ee71e121154ca393fdc.jpg
آه ياقلبـي اللـي كـم تحمـلـت وشقـيـت
كم تواجه في حياتك مـن تصانيـف وعـذاب

كلما جيت اشتكي لك جيت لكن وش لقيـت
كـل ماصكيـت بـاب ينفتـح مليـون بـاب

ايه اكبر ذنب انـي بالعطـا جـدت وعطيـت
وايه اكبر ذنب قلبـي ماشكـى ذنبـه وتـاب

وايه اكبر صدمه اني في المقابل وش خذيـت
كل مامديت كفي شفـت انـا عشريـن نـاب

ماعرفت النوم ليله وان حصل ليلـه وغفيـت
القى احلامي مدينـه بينهـا وبينـي حجـاب

والصبح لا من طلع لي بعد ليلي ثـم صحيـت
عشت انا نفس الحكايـه والدمـع بالعيـن ذاب

ان خطيت اسبق خطايا بالعذر لا من خطيـت
وان خطا غيري اسامح دون شرهات وعتـاب

ما اذكر اني كنت خاين و ياما بأحساسي وفيت
وكم نسيت طعون غيري وماحسبت لها حساب

اصدق الكذبات غايـه عشتهـا لا قلـت ليـت
والامل عندي يشابـه بعدهـا وجـه السـراب

والجدار اللي تحمـل هـم نـاس وهـم بيـت
شالت اركانه ملامح من صور ناسـه وشـاب

لو سكت الصمت يذبح وادري اني لو حكيـت
شفت ان كف السـؤال يفتقـد كـف الجـواب

ولو رضيت ما اظن تفرق نفسها لو مارضيت
دام ظني في النهايه عكـس ماشفتـه وخـاب

الدموع اليوم تجـرح جفـن عينـي لا بكيـت
مثل ماتجرح بروق الغيث اطـراف السحـاب

وماخفى لليوم اعظم بس انـا تونـي دريـت
الوفى هالوقت اصبـح للاسـف شـي يعـاب

علموني كيف احيا وداخلـي احسـاس ميـت
كيف اكون بجد حاضر وانا مطعـون بغيـاب

من سئل عني انا اللي تهت في عمري وضميت
مثل ضامي وسط صحراء يرتجي كف السراب

بس ياقلبي كفايـه كـم علـى نـارك وطيـت
والشعر من نار حبك يحرق اطـراف الكتـاب

ماقدر اني اكون الا شخص عادي لـو بغيـت
او غريب اليوم منفي مـن ديـار الاغتـراب



و سلامتكم

ناطق العبيدي
19-11-2022, 01:57 PM
كالعادة الجميل ينساب من بين اختياراتك الرائعة..الهادفة...وهذا ياصاحبي المميز من فكرك العالي دمت بهذا الرقية
جزاك ألله خيرا
أغلى سلام لك

أمير المحبه
28-11-2022, 12:08 AM
سطور نالت الإعجاب برقي هذا الطرح
وهذا سَّــر إبداعك وذائقتك المُتميزه
سوف آظل أترقب الجديد بكل شوق
لك كل الود والاحترام

سمو الهلال
15-12-2022, 04:32 AM
نص جميل جدآ
يعطيك العافية
بوركتي ع ماقدمتي وبدعتي
في اختيراتك المميزه
_
دمتي بحفظ الله ورعايته
_

شقاوي
22-12-2022, 03:49 AM
سلمت آناملك لروعة طرحهآ..
يعطيك العافيــة..
تحياتي.

,,~