![]() |
ياهيه مثلي مايقولون له هيه . . مدري متى تتعلمون الذرابه
ياهيه مثلي مايقولون له هيه . . مدري متى تتعلمون الذرابه https://ladybirdar.com/wp-content/up...8%A7%D8%BA.jpg هذا الخطا اللي ماتوقعت يخطيه . . شف كيف كشر طيب القلب نابه أثر الحسد لاعشعش بصدر راعيه . . يجعل من قلوب الحبايب ذيابه اللي تعلم من سكوتي تماديه . . علمني استقبل خطاه برحابه والواجب انه لو جحد فزعتي فيه . . مايجحد حقوق النسب والقرابه وانا اللي يوم ان المصايب تبكيه . . كنت اقرب إله بضيقته من ثيابه اللي تعاف اوله ينعاف تاليه . . وانا كفا صدري من الغيظ مابه من لا وقف لي وقفة رجال مابيه . . يغني عن حضور المقفي غيابه من لافزع بالكايده مع بني خيه . . وقت الرخا مايحسب حساب لابه علمت غيري كيف لاصد ماجيه . . وانا تعلمت الصبر والصلابه لان الشجاع ان مالقى من يواسيه . . ان مانشدته ماعلمت بمصابه مادام بعدي عن رفيقي بيرضيه . . نذر علي اني فلا طق بابه عيب التفت في جاه مخلوق وادعيه . . وللمبتلي ساعة دعا مستجابه الضعف ماطيقه ولا طيق طاريه . . والدمع لايرقى ولا ينرقابه والحلم يغنيني عن الكبر والتيه . . والظلم محصيني كآبه كآبه ان ماجمعت وجيه مافرق وجيه . . ومن لابنيته ماسعيت بخرابه وانا لو اني بالتفت بالتفت ليه ! . . الرمح غاالي والفريسه ذبابه بدري علي احسب لها حساب واوجيه . . وبدري عليه يشيلني من حسابه كأني عتقته بعتقه رأفت فيه . . الا الطلابه ماخشيت الطلابه مهب على شانه ! عشان المشاريه . . سامحت طيشه وابتليت بعذابه اليا كسر في خاطرك شخص تغليه . . حتى المعاتب تستحي من عتابه اللي سكن صدري من الغيض يكفيه . . ملت تفاصيلي سكوت ورتابه اللي بيدخل في مزاجي بسويه . . وباخطب الفض الفليض بخطابه مثل الغلا اللي باخذه منه بعطيه . . ويسمع جوابي مثل ماسمع جوابه دام احترامي للقرابه مجريه . . ياشيخ ملعون امها من قرابه لو كل شخص بيحتقر في باخاويه ؟ . . ماكون حزت من المراجل مهابه ياهيه مثلي مايقولون له هيه . . مدري متى تتعلمون الذرابه اللي معلمك الكتابه على ايديه . . لمحة بصر ويبعثرك من كتابه ومثلي لا من قلت لك قول بوفيه . . والقرم لا من وكد العلم جابه سمه تحدي سمه اللي تسميه . . بس الوكاد انه مهوب استجابه اللي مهب قد المواجه يخليه . . ومن لاقدرت تهيبه منك هابه الله يعز وجيه ويطمن وجيه . . وحنا بشر لكن بشر وسط غابه ومن لافزع بالكايده مع بني خيه . . وقت الرخا مايحسب حساب لابه و سلامتكم |
احساس غريب
.. طرح رائع كروعة حضورك اشكر ك علي روعة ماقدمت واخترت من مواضيع رائعه وهامة ومفيدة عظيم الأمتنان لكَ ولهذا الطرح الجميل والرائع لاحرمنا ربي باقي اطروحاتك الجميلة ـــ تحياتي وعطروردي :wahjj.1: |
كلمات رائعة جداً..
سطور جميله .. فانتي أينما كنتي.. تجسدي معانيً للإبداع ولا شي سوى اللابداع.. أسجل إعجابي بما طرح أعلاه .. تحيااااتي لك.. |
.. http://www.raaw9.com/up2/uploads/16942703642291.png فاح العبق وأندلق عطركم يا احبة لاجف مداد هذا السكب يأبى آلآبدآع آلآ وآن يگون ملازما لكم صفَحَه ترتَقِي بِالْجمَال الْعَاطِر لَاعَدَمَنَا رَوْعَة مَجُهُوْدِكم دُمْتم بِوِد وَكُل الْوَرْد http://www.nalwrd.com/vb/upload/4183nalwrd.gif http://www.nalwrd.com/vb/upload/4183nalwrd.gif |
طرح قمه الروعه في والجمال
سلمت اناملك ويعطيك العافيه علي مجهودك في أنتظار المزيد من عطائك والمزيد ومواضيعك الرائعة والجميله ودائما في إبداع مستمر |
كالعادة الجميل ينساب من بين اختياراتك الرائعة..الهادفة...وهذا ياصاحبي المميز من فكرك العالي دمتي بهذا الرقية
جزاك ألله خيرا أغلى سلام لك |
| الساعة الآن 08:20 PM |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
هذا الموقع يتسخدم منتجات Weblanca.com
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
دعم وتطوير وارشفه وحمايه الموقع من صاحبة الموقع