مدهاااالهااا قلبي وعيوني مراتعهاااا
 

الجادل اللي يمر القلب شارعها
بين الحنايا تعدي ماتطالعني.

تقفي مع الدم بعروقي واتابعها
واحس كنها على نفسي توزعني.

قامت تبعثر غلا وان جيت اجمعها
اضمها واتشتت لين تجمعنــــــي.

بين الحنايا تثني في مرابعها
كنها تقول اتحدى من يطلعني.

دام الحشا بيتها وانا مدلعها
وش دخل القلب يزعل يوم توجعني؟

وليا خذا رمشها رجل يطالعها
لعل رمش خذاني مايرجعنـــــــي.

عيونه جيوش والنظرة طلايعها
غارت بصدري وجاز لسيفها طعني!!.

ويوم انكفت لين قلبي من قلايعها
والصبر عن خافقي ماعاد ينفعني.

مدهالها القلب وعيوني مراتعها
اموت فيها وهي للريح تزرعني.

ريحانتي والغلا بالقلب زارعها
تشرب عروقي وترويني وتشبعني.

كان النحل من رحيق الورد مشبعها
وانا شموخي من احلا شي جوعني.

وليا تعانق خجلها مع تواضعها
عانقت ليل على مسراه شجعني.

لو ينسري ليلها سريت بايعها
بشر ولا الله عن الزلة مرفعني.

واصبحت من عقب ماني ضدها معها
ان ضاعت اضيع وان دلت تسنعني!!

للجادل اللي شرايني شوارعها
القلب يقتادني والنفس تمنعنــــــي


:1f494::wahjj.1:

طيب القلب
..


طرح رائع كروعة حضورك
اشكر ك علي روعة ماقدمت واخترت
من مواضيع رائعه وهامة ومفيدة
عظيم الأمتنان لكَ ولهذا الطرح الجميل والرائع
لاحرمنا ربي باقي اطروحاتك الجميلة

ـــ
تحياتي وعطروردي

:wahjj.1:

كلمات رائعه
سطور جميله جدا
يعطيك الف الف عافيه
لك مني ارق واعذب التحايا
دمت بخير ..

طرح قمه الروعه في والجمال
سلمت اناملك ويعطيك العافيه
على مجهودك وفي أنتظار المزيد
من عطائك والمزيد
من مواضيعك الرائعة والمفيده
شكراً جزيلاً لك