الناس واجد مير ما مثل الاخـوان

الناس واجد مير ما مثل الاخـوان







الناس واجد مير ما مثل الاخـوان

...................... ما مثل اخوك اللي يحبـك ويغليـك


ما مثل اخوك اللي صدوق ومعوان

...................... تفديه بالغالـي وبالـروح يفديـك


يشكي لك جروحه وهمه والاحزان
...................... ولا ضاقت الدنيا بهمـك يواسيـك


لو كان لك ربعٍ ونـاسٍ وجيـران

...................... ما مثل اخوك اللي عن الناس يغنيك


أخوك هو عزك ولو كان ما كـان
...................... يبيع كل الناس لأجلـك ويشريـك


أنا أشهد أنه لك على الصدر نيشان

...................... تاجٍ على راسـك وستـر يغطيـك


وانا اشهد انه ما يثاقـل بميـزان

...................... مثل الذهب والماس مافيه تشكيـك


وانا اشهد إنه ما يقـدر بالاثمـان

...................... عن العـدو حصـن ودرع يوقيـك


إيـاك لا تفتـح طريـق لشيطـان

...................... بينك وبينـه جعـل ربـي ينجيـك


ولا تستمع لاجاك عـلان وفـلان.

...................... يا كثر ما تسمع من اللي يعاديك


ولا تجعل لغيرك على العقل سلطان
...................... ترى كثير اللي بشـوره يدهويـك


ترى الدهر دوار يا سرع الأزمـان

...................... يومٍ تواريـه الثـرى أو يواريـك


تقول يا ليت الـذي كـان ماكـان
...................... يا ليتني بالقبـر جنبـك واخاويـك


يا ليتك تعود واضمـك بالاحضـان

...................... أضمـك لصـدري واقبـل أياديـك


يا ليتك تعود ترى القلـب ندمـان

...................... وده يسوق المعذرة ثـم يراضيـك


مير البلا يا ليت مـاردت إنسـان

...................... ويا ليت ما تمحي ظلام بما ضيـك


تماكن الدنيا وواصـل بالاحسـان

...................... قبل الندم يطويـك والهـم يبريـك


ونهاية المشوار ما غيـر الاكفـان

...................... ويبقى مع السارين ذكرك وطاريك







القصيدة لـ الشاعره :ليلى سعد الحربي


و سلامتكم

ملكة الحنان معجب بهذا

الموضوع الأصلي: الناس واجد مير ما مثل الاخـوان || الكاتب: احساس غريب || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه