يازين كثر الجفا ذباح

يازين يازين سدي باح
والبعد والشوق كاويني

يازين كثر الجفا ذباح
والوصل يازين يحييني

يازين في ذمتي ماارتاح
لين اشبك يديك بيديني

يابو رموش تقول رماح
ياشين مضرابها فيني

يابو نهود كما التفاح
ولا فناجيل من صيني

الخصر عود مع الارياح
تومي به يسار ويميني

والرددف عن جسمها منزاح
ماكنه يقول يعنيني

خيالك وعطرك الفواح
مافارقت خشمي وعيني

والله مانسا زمان راح
واللي حصل بينك وبيني

قلبي غدا كانه الملواح
شيهانتي عيت تجيني

اسج مع لجة الافراح
وين السعاده وانا ويني

صبرت ياحظي اللي طاح
ايام وشهور وسنيني

والصبر فاالصدر ضرب سلاح
وظن هالصبر ينهيني

روآية هآدئة ,ملكة الحنان معجبون بهذا

الموضوع الأصلي: يازين كثر الجفا ذباح || الكاتب: لَذة عِشّق♪♥ || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه