الحب مثل النوم

الحب مثل النوم

محمد بن فطيس المري

الحب مثل النوم .. والوصل .. الاحلام
والشيين من الاحلام..صـد المحبييـن



نوم ٍ طويل ٍ عمره اشهـوور واعـواام
وان قمت.. ففهمها فرااق وسهر عيـن



وانا رقدت وعمري اربع عشـر عـام
وصحيت في شهر اربعه عام الالفيـن



نـوم ٍ ثقيـل ٍ كلـه احـلام واوهـاام
ونصيبي من احلامـه الجانـب الشيـن



صحّى الفرااق اقلوب في عكسه..نيـام
وغاب الفرح وانا بعكسه الـى اللحيـن



ياحزن كبدي حزن من ضاق ثـم حـام
اخذت فروخه مـادرى ليـه ولويـن؟



بعد ما شاف العـش عيـدان وعظـام
خاالي..تفكر فووق ويسـاار.. ويميـن



خلا عشاها فيه ومـن الوطـى شـاام
زبن علـى روحـه وفـل الجناحيـن



وياوجد حالي وجد مـن نـام ثـم قـام
على صياح امـه وهـو دون رجليـن



عويـق وامـه تنعتـه والنعـت سـام
وهو خابر انه يقسـم الصـف صفيـن



حبا وصاح بصيحـة ٍ تاصـل الشـام
منهـا تقطّـع فـي خفوقـه شراييـن



على وليـف ٍ قسـم اظنونـي اقسـام
واقفى وانا ما اعـرف طـرد المقفيـن



راح وترك في صدري ووسووم واعلام
وصـى علـي طيفـه وقفـى بقلبيـن



ليتـه تعـذّر كـان مـاهـو بـمّـلام
بعد ماشـااف الـدرب بيسيـر دربيـن



اشوى عليه شوي..مـن عـظ الابهـام
واشوى علي شوي..من دمعـة البيـن



تمشـي بنـا الاقـدام والمـوت قـدام
وميعادنـا يمفـرق اثنـيـن بعـديـن



ياعيـن لا تبكـيـن وعيـونـه تـنـام
عادش الى ما خـاب ظنـي بترضيـن



لـو الدمـوع اتفيـد فـادن الايـتـام
ولـو الكـلام يفيـد عـادت فلسطيـن



ولـو النبـاات يطّلعـه دمعـة هيـام؟
شفتوا علـى وجهـي ورود وبساتيـن



الحب سجن..وبعد الاحبـاب الاعـدام
وقلوبنـا السجّـان مـدري مساجـيـن



الحب نوم ٍ عمـره اشهـوور واعـوام
وان قمت ففهمها فرااق وسهـر عيـن

وليد معجب بهذا

الموضوع الأصلي: الحب مثل النوم || الكاتب: ملكة الحنان || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه

صح لساان شااعرهاا
وتسلم يمينك على نقلهاا
كلمات لا أعلم بماذا
أوصفها
لكنها ابيات جميله راقت
لي كثيراً ..
دمتِ بعبـير الزهورالمميز
الذي يرافقك
لقلبـك صـادق الود
تقبلي فائق تقديري
واحترامي

..


فاح العبق وأندلق عطركم يا احبة
لاجف مداد هذا السكب
يأبى آلآبدآع آلآ وآن يگون ملازما لكم
صفَحَه ترتَقِي بِالْجمَال الْعَاطِر
لَاعَدَمَنَا رَوْعَة مَجُهُوْدِكم
دُمْتم بِوِد وَكُل الْوَرْد

وليد
يسعدك ربي على روعة المرور بمتصفحي

لاخلا ولاعدم يارب

يحيى
يسعدك ربي على روعة المرور بمتصفحي

لاخلا ولاعدم يارب

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه
سوف آظل أترقب الجديد بكل شوق
لك كل الود والاحترام

أمير
أسعدني مرورك العطر بمتصفحي ياغلا
باقات الشكر والتقدير لروعة وجمال حورك الشيق

صح لسانك ولسان شاعرها
انتقاء ثري بالذائقه
سلمت الانامل
في انتظار جديدك
في امان الله وحفظه